ప్రభుత్వం త్వరలో ఒక కొత్త అప్ తీసుకొని రానుంది దాని పేరు ‘సహకార్ టాక్సీ’ డ్రైవర్లకు మధ్యవర్తులు మధ్య కమిషన్ విధించకుండా, ప్రత్యక్ష లాభాలను అందించడం ఈ అప్ యొక్క ఉద్దేశం.

కేంద్ర హోం మంత్రి అమిత్ షా పార్లమెంటులో మాట్లాడుతూ, డ్రైవర్లకు ప్రత్యక్షంగా ప్రయోజనం చేకూర్చేందుకు సహకార-ఆధారిత రైడ్-హెయిలింగ్ సర్వీస్ ‘సహకార్ టాక్సీ’ని ప్రభుత్వం ప్రారంభించనుందని ప్రకటించారు. ఓలా, ఉబర్,రాపిడో వంటి యాప్-ఆధారిత సేవల మాదిరిగానే ఈ యాప్ పని చేస్తుంది .సహకార సంఘాలు డ్రైవర్ల ఆదాయంలో మధ్యవర్తులు కోత ఉండకుండా , ద్విచక్ర వాహనాలు, టాక్సీలు, రిక్షాలు మరియు నాలుగు చక్రాల వాహనాలను నమోదు చేసుకోవడానికి ఇది అనుమతిస్తుంది.

లోక్‌సభలో మాట్లాడుతూ, ప్రధానమంత్రి నరేంద్ర మోదీ ‘సహకార్ సే సమృద్ధి’ (సహకారం ద్వారా శ్రేయస్సు) దృష్టికి అనుగుణంగా ఈ కార్యక్రమం ఉందని షా నొక్కి చెప్పారు.
“ఇది కేవలం నినాదం కాదు. సహకార మంత్రిత్వ శాఖ ఈ విషయాన్ని క్షేత్రస్థాయిలో అమలు చేయడానికి మూడున్నర సంవత్సరాలు అవిశ్రాంతంగా పనిచేసింది. కొన్ని నెలల్లో, ఒక ప్రధాన సహకార టాక్సీ సేవ స్టార్ట్ చేస్తున్నాం, ఇది డ్రైవర్లకు ప్రత్యక్ష లాభాల ఇస్తుంది ” అని హోం మంత్రి చెప్పారు.

వినియోగదారులు ఐఫోన్ లేదా ఆండ్రాయిడ్ పరికరం ద్వారా బుక్ చేస్తున్నారా అనే దాని ఆధారంగా రైడ్ ఛార్జీలు మారుతున్నాయని నివేదికలు రావడంతో సెంట్రల్ కన్స్యూమర్ ప్రొటెక్షన్ అథారిటీ (CCPA) ఇటీవల రెండు కంపెనీలకు నోటీసులు జారీ చేసింది.

ఆరోపణలకు ప్రతిస్పందిస్తూ, ఓలా ప్లాట్‌ఫారమ్-ఆధారిత ధరల వివక్ష ఆరోపణలను ఖండించింది. “మేము మా వినియోగదారులు అందరికి ఒకే విధమైన ధరల నిర్మాణాన్ని ఇస్తాం మరియు ఒకే విధమైన రైడ్‌లకు వినియోగదారు సెల్‌ఫోన్ యొక్క ఆపరేటింగ్ సిస్టమ్ ఆధారంగా తేడా చూపము” అని కంపెనీ తెలిపింది, CCPA కి స్పష్టమైన వివరణలు అందించామని కూడా తెలిపింది.

ఉబర్ కూడా ఆరోపణలను ఖండిస్తూ, రైడర్ ఫోన్ మోడల్ ఆధారంగా ధరలను నిర్ణయించలేదని పేర్కొంది. “మేము రైడర్ ఫోన్ తయారీదారు ఆధారంగా ధరలను నిర్ణయించము. ఏవైనా తప్పులు జరిగితే మేము CCPA తో కలిసి పనిచేయడానికి సిద్ధంగా ఉన్నాం ” అని ఉబర్ ప్రతినిధి తెలిపారు.

2024 డిసెంబర్‌లో X లోని సోషల్ మీడియా పోస్ట్ ఒకే ఉబర్ రైడ్‌కు రెండు ఫోన్‌లు వేర్వేరు ఛార్జీలను చూపుతున్నట్లు చూపడంతో ఈ వివాదం ఊపందుకుంది, ఇది విస్తృత చర్చను రేకెత్తించింది.

వినియోగదారుల వ్యవహారాల మంత్రి ప్రహ్లాద్ జోషి ఈ విషయంపై స్పందిస్తూ, అటువంటి భేదాత్మక ధరలను “అన్యాయమైన వాణిజ్య పద్ధతి” అని పేర్కొన్నారు. మోసాల ను మరియు దోపిడీ పద్ధతుల నుండి వినియోగదారుల రక్షణను కలిపించడానికి ఆహార డెలివరీ మరియు ఆన్‌లైన్ టికెటింగ్ ప్లాట్‌ఫారమ్‌లతో సహా ఇతర రంగాలలో ధరల పద్దతుల పై ప్రభుత్వం తన దర్యాప్తును విస్తరిస్తుందని ఆయన ప్రకటించారు.”