చాలా మందికి ఒక ఆలోచ‌న ఏం ఉంటుంది అంటే, పంచదార తింటే శ‌రీరంలో షుగ‌ర్ స్ధాయి పెరుగుతుంది, ఇది శరీరానికి అంత మంచిది కాదు. కాని బెల్లం తింటే ఆరోగ్యానికి మంచిది అని భావిస్తారు.
అయితే బెల్లం కూడా అతిగా తీసుకుంటే డేంజ‌ర్ అంటున్నారు న్యూట్రిషియ‌న్లు డాక్టర్లు. గ‌తంలో బెల్లం తయారీ ప్రాసెస్ వేరు కానీ ఇప్పుడు బెల్లం తయారీ వేరు. పంచ‌దార‌తో త‌యారు అయ్యే బెల్లం కూడా మార్కెట్లో వ‌స్తోంది దీంతో కూడా జాగ్ర‌త్త‌గా ఉండాలి.
అయితే బెల్లం పిండివంట‌లు మ‌నం ఇష్టంగా తింటాం. బెల్లం పాయ‌సం బెల్లం పొంగ‌లి, బెల్లంతో ప‌ర‌మాన్నం ఇలా అనేక రకాల వంట‌కాలు చేస్తాం. కానీ బెల్లం అతిగా తిన్నా చాలా చేటు అనే విష‌యం తెలుసుకోండి.
షుగ‌ర్ 100 ప‌ర్సెంట్ మ‌న శరీరానికి హాని చేస్తే, బెల్లం 90 శాతం హాని చేస్తుంది. అంటే కేవ‌లం 10 శాతం మాత్ర‌మే దాని మీద త‌క్కువ ఇంపాక్ట్ చూపిస్తుంది.
బెల్లంలో ఇనుము, కాల్షియం, భాస్వరం ఇలా ప‌లు పోషకాలు ఉంటాయి. అయితే మోతాదుకి మించి తీసుకుంటే చాల డేంజ‌ర్ .
బ‌రువు త‌గ్గాలి అనుకుంటే బెల్లం తీసుకోవ‌ద్దు అంటున్నారు డాక్టర్లు.
కేలరీలు, కార్బోహైడ్రేట్లు ఎక్కువగా ఉంటాయి మితంగానే తీసుకోవాలి.
ఆర్గానిక్ అంటూ వ‌స్తున్న బెల్లం కూడా కేవ‌లం వారానికి లేదా ప‌ది రోజుల‌కి మాత్ర‌మే షుగ‌ర్ పేషెంట్స్ తీసుకోవాలి అని తెలియ‌చేస్తున్నారు.
5 ఏళ్ల లోపు పిల్ల‌ల‌కు రోజూ బెల్లం అవాయిడ్ చేయ‌డం మంచిది. వారానికి లేదా ప‌ది రోజుల‌కి నువ్వులు ప‌ళ్లీల‌తో చ‌క్కీలు మాత్ర‌మే ఇవ్వండి.
ఇక గ్యాస్ స‌మ‌స్య ఉన్న‌వారు మందులు వాడుతున్న వారు బెల్లం తీసుకోకూడ‌దు.
బెల్లం గర్భిణీ స్త్రీలకు కూడా హానికరం ఎందుకంటే ఇందులో అధిక మొత్తంలో ఇనుము ఉంటుంది. ఇది గర్భధారణ సమయంలో హాని కలిగిస్తుంది. క‌డుపుతో ఉన్న వారు బెల్లం అవాయిడ్ చేయాలి.
ఇక కుట్లు ప‌డినా ఆప‌రేష‌న్ అయినా రెండు నెల‌లు బెల్లం తిన‌వ‌ద్దు అంటున్నారు వైద్యులు.
ఇక జీర్ణ‌సంబంధ‌మైన స‌మ‌స్య‌లు ఆప‌రేష‌న్ చేయించుకున్న వారు, ఎక్కువగా బెల్లం తింటే ఆ జీర్ణ‌వ్య‌వ‌స్ధ‌మీద ప్ర‌భావం చూపించి ప్రాణాల‌కు ముప్పు తెస్తుంది అంటున్నారు.
- ఆర్గానిక్ బెల్లం కూడా దాని తయారీ బ‌ట్టి మితంగా వాడ‌వ‌చ్చు అంటున్నారు వైద్యులు*