తమిళ స్టార్ హీరో విజయ్ నటిస్తున్న చివరి సినిమా “జననాయగన్” ఇప్పుడు వార్తల్లో వినిపిస్తుంది. రాజకీయ రంగ ప్రవేశం తర్వాత ఆయన చేస్తున్న చివరి సినిమా కావడంతో, అభిమానుల్లో భారీ ఆసక్తి నెలకొంది.
ఇటీవల విజయ్ రోడ్ షోలో జరిగిన విషాద ఘటనలో 40 మందికి పైగా ప్రాణాలు కోల్పోవడంతో, సినిమా షూటింగ్ తాత్కాలికంగా నిలిపివేశారు. దీంతో సినిమా విడుదల వాయిదా పడుతుందేమోనని అభిమానులు ఆందోళన వ్యక్తం చేశారు.
అయితే, ఈ రోజు సినిమాని నిర్మిస్తున్న KYN ప్రొడక్షన్స్ సంస్థ, X (ట్విట్టర్) ద్వారా ఒక కొత్త పోస్టర్ రిలీజ్ చేస్తూ, అధికారిక రిలీజ్ డేట్‌ను ప్రకటించింది. జనవరి 9, 2026 విడుదల. ఈ ప్రకటనతో సోషల్ మీడియా అంతా జననాయకన్ పోస్టులతో నిండిపోయింది.
సంక్రాంతి బరిలో ఈ సారి మొత్తం ఐదు పెద్ద సినిమాలు థియేటర్లలోకి రానున్నాయి. అందులో “జననాయకన్” కూడా ఉండటంతో బాక్స్ ఆఫీస్ పోటీ మరింత హీటెక్కనుంది.
సినిమా టీమ్ సమాచారం ప్రకారం, విజయ్ పాత్ర చాలా శక్తివంతంగా ఉండబోతోంది. రాజకీయ థ్రిల్లర్ టచ్‌లో ఉండే ఈ చిత్రం, ఆయన కెరీర్‌లో ఒక ప్రత్యేకమైన ముగింపు అవుతుందని అంచనా.