కాన్పూర్‌లో గురువారం ఒక హృదయవిదారక ఘటన చోటుచేసుకుంది. దినేశ్ (28) అనే యువకుడు తన భార్య రాధాతో వీడియో కాల్‌లో మాట్లాడుతుండగా,
ఆమె ముందే కత్తితో పొడుచుకుని ఆత్మహత్య చేసుకున్నాడు. ఈ ఘటన స్థానికంగా తీవ్ర విషాదాన్ని నింపింది.
కుటుంబ కలహాలే కారణం?
కుటుంబ సభ్యులు తెలిపిన వివరాల ప్రకారం, దినేశ్ (అజయ్ బజరంగి) మరియు రాధా 2023 జూన్‌లో వివాహం చేసుకున్నారు. పెళ్లైన నాటి నుంచి వారి మధ్య తరచూ మనస్పర్థలు వస్తున్నాయి.
ఇటీవల జరిగిన గొడవ కారణంగా రాధా తన పుట్టింటికి వెళ్లిపోయింది. దినేశ్ ఎంత ప్రయత్నించినా ఆమె తిరిగి రాలేదు. దీంతో అతను తీవ్ర మానసిక వేదనకు గురయ్యాడు.
అంతులేని వివాదాలు, మానసిక ఒత్తిడి:
దినేశ్ ఒక దర్జీగా పనిచేసేవాడు. మొదట్లో అతను తన కుటుంబంతో కలిసి ఉండేవాడు. కానీ రాధా విడిగా ఉండాలని కోరడంతో, కాన్పూర్‌లోని బరాదేవిలో ఒక గదిని అద్దెకు తీసుకుని ఎనిమిది నెలలుగా అక్కడ నివసిస్తున్నాడు.
అయితే, వారి మధ్య ఫోన్ కాల్స్‌లో, వ్యక్తిగతంగా కూడా తరచూ గొడవలు జరుగుతూ ఉండేవి. దినేశ్ తల్లి సంగీతా దేవి ప్రకారం, రాధా తరచూ తన కుమారుడిపై దాడి చేసేది, అతన్ని గౌరవంగా చూసుకునేది కాదు.
దినేశ్ తండ్రి రామ్ బాబు ఏప్రిల్ 2న రాధా తనకు ఫోన్ చేసి “మీ కొడుకుని త్వరలో జైలుకు పంపిస్తాను, అతన్ని చివరిసారి చూడండి” అని హెచ్చరించిందని తెలిపారు. ఈ పరిణామాలు దినేష్ ను తీవ్ర ఒత్తిడికి గురి చేశాయి.
వీడియో కాల్‌లో ఊహించని పరిణామం:
గురువారం, దినేశ్ తన భార్య రాధాతో వీడియో కాల్‌లో మాట్లాడుతున్నప్పుడు, హఠాత్తుగా ఒక కత్తిని తీసుకుని తనను తాను పొడుచుకున్నాడు.
ఈ దృశ్యాన్ని చూసిన రాధా భయంతో కేకలు వేసింది. ఇంట్లోని కుటుంబ సభ్యులు గదిలోకి పరుగెత్తుకు వచ్చేసరికి, దినేశ్ రక్తపు మడుగులో పడి ఉన్నాడు.
ఆసుపత్రిలో మృతి, పోలీసుల దర్యాప్తు:
కుటుంబ సభ్యులు వెంటనే అతన్ని ఆసుపత్రికి తరలించగా, వైద్యులు అప్పటికే అతను మృతి చెందినట్లు నిర్ధారించారు.
పోలీసులు కేసు నమోదు చేసి, మృతదేహాన్ని పోస్ట్‌మార్టం కోసం తరలించారు. ఈ ఘటనపై సమగ్ర దర్యాప్తు కొనసాగుతోంది.
ఈ ఘటన కుటుంబ కలహాలు ఎంతటి విషాదానికి దారితీస్తాయో తెలియజేస్తోంది. ఈ సంఘటన యువతలో మానసిక ఒత్తిడి, ఆత్మహత్యల గురించి ఆందోళన కలిగిస్తోంది.